Lá na bPancóg

Suirbhé: Céard is fearr leat ar bharr do chuid pancóg?

Tá Máirt na hInide nó Lá na bPancóg buailte linn. Ar aon dul le (similar to) lusanna an chromchinn (daffodils) a fheiceáil ar thaobh an bhóthair, ceann de chomharthaí an Earraigh (signs of Spring) is ea na comhábhair (ingredients)  ar fad do na pancóga, an sú líomóide agus na málaí siúcra mín (caster sugar) a bheith ar taispeáint san ollmhargadh (on display in the supermarket).

An gceannaíonn tusa fuidreamh réamhdhéanta (ready-made batter) nó an fearr leat é a dhéanamh tú féin? Más fearr, cén t-oideas (recipe) a leanann tú? Ceann simplí ar nós an oidis seo (tógtha ó shuíomh Fhoras na Gaeilge)

pancake-mixture-eggs_-milk_-pancakes-lemon_

Comhábhair (ingredients)

  • 250g de phlúr bán
  • 3 ubh
  • 500ml bainne
  • salann
  • im

An Fuidreamh

  1. Cuir an plúr isteach i mbabhla. Déan log i lár an phlúir. Cuir na huibheacha isteach sa log agus cuid den bhainne. Measc go maith iad.
  2. Cuir an chuid eile den bhainne isteach de réir a chéile agus tú ag meascadh (mixing) i rith an ama.
  3. Cuir gráinne salainn (grains of salt) leis an meascán. Ansin fág sa chuisneoir (fridge) é ar feadh uair an chloig.

Modh Cócarála

  1. Cinntigh go bhfuil an friochtán (frying pan) breá te.
  2. Cuir ruainne beag ime (small knob of butter) ar an bhfriochtán.
  3. Clúdaigh bun an fhriochtáin go hiomlán le fuidreamh. Déan é a chócaráil ar feadh nóiméid amháin.
  4. Iompaigh le spadal (spatula) é agus cócaráil an taobh eile.

staub-cast-iron-crepe-pan-with-spreader-spatula-c

Ar ndóigh is cuma conas a dhéanann tú do chuid pancóg, an dá rud is tábhachtaí do na páistí ná: (most importantly think about your pancake flipping skills and what fillings you are going to use!)

(1 )an seó a dhéanann tú leis an bhfriochtán pancóg – bí cinnte go gcaitheann tú an phancóg in airde san aer agus tú á iompú bun os cionn agus go n-éiríonn leat breith uirthi arís sa fhriochtán!

(2) cad é a chuireann tú ar an bpancóg sa deireadh – siúcra mín / mil / cainéal (cinnamon) / sú líomóide / nutella / banana  / sútha talún nó caora eile (strawberries or other berries) / uachtar reoite / cnónna (nuts)…

12809_917038001_l

B’fhéidir gur mhaith libh féachaint ar an bhfíseán (video) seo a leanas le chéile. Clár cócaireachta do pháistí (cookery programme for children) de chuid TG4 is ea ‘Bia Linn’ agus sa chlár áirithe seo tá pancóga á ndéanamh ag na páistí. Bealach deas le tuilleadh Gaeilge a úsáid sa bhaile is ea an teanga a nascadh le gníomhaíocht ar leith, m.sh. bácáil. D’fhéadfá an clár seo a úsáid mar thúsphointe (starting point) nó mar spreagadh (motivation) do na páistí agus duit féin! http://bit.ly/2lP8L2b

Bainigí sult as (Enjoy!)

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach /  Athrú )

Pictiúr Google+

Is le do chuntas Google+ atá tú ag freagairt. Logáil Amach /  Athrú )

Peictiúr Twitter

Is le do chuntas Twitter atá tú ag freagairt. Logáil Amach /  Athrú )

Pictiúr Facebook

Is le do chuntas Facebook atá tú ag freagairt. Logáil Amach /  Athrú )

w

Ceangal le %s