Cúinne na dTuismitheoirí

Is your son or daughter attending a Gaelscoil? Below are some sample notes (as well as a handy glossary) which you could use when communicating with teachers/principals.

An tuismitheoir tú a bhfuil páiste agat atá ag freastal ar Ghaelscoil nó ar Ghaelcholáiste? Más ea, b’fhéidir go mbeidh an foclóir agus na nathanna sna litreacha samplacha thíos idir tuismitheoirí agus múinteoirí/príomhoidí úsáideach duit. (Tá gluais ar fáil thíos mar chabhair duit).

  1. Coinní a Shocrú / Making Appointments

A phríomhoide, a dhuine uasail,

Ba mhian liom coinne a eagrú leat chomh luath agus is féidir maidir le mo pháiste Fearghus Ó Dorchaidhe. D’oirfeadh tráthnóna ar bith an tseachtain seo chugainn dom, tar éis a 2:00 i.n. más féidir. Bheinn fíorbhuíoch díot dá gcuirfeá glaoch orm ag 08* ******* le ham na coinne a shocrú.

Is mise le meas,

Siobhán Uí Dhorchaidhe

  1. Asláithreachtaí san Am atá Caite / Past Absences

A mhúinteoir, a chara,

Ní raibh Robbie i láthair inné agus arú inné mar ghortaigh sé a chos le linn cluiche iománaíochta tráthnóna Mháirt. Bhí air dul go dtí an t-ospidéal chun x-gha a fháil agus dúirt an dochtúir leis a scíth a ligint ar feadh lá nó dhó. Níl an siúl go ró-mhaith aige fós agus mar sin ní féidir leis páirt a ghlacadh sa rang Corpoideachais nó sna cluichí le linn am sosa agus am lóin.

Go raibh míle maith agat.

Le meas,

Linda Bean Mhic Gearailt

  1. Asláithreachtaí Amach anseo / Future Absences

A mháistreás, a chara,

Beidh Seán agus Áine de Búrca ag freastal ar bhainis a n-aintín san Iodáil an deireadh seachtaine seo chugainn. Dá bharr seo ní bheidh siad ar scoil an Luan, an Mháirt nó an Chéadaoin dar gcionn. Seol abhaile aon obair scoile a chaillfidh siad agus déanfaimid gach iarracht dul i ngleic léi sulabhfilleann siad ar scoil Déardaoin.

Le gach dea-mhéin,

Fionnuala de Búrca

  1. Páistí a Bhailiú go Luath / Collecting Children Early

A mhúinteoir dhil,

Tá coinne fiaclóra ag Jennifer maidin amárach ag a 11:00 r.n. Baileoidh mé í ag a 10.45 r.n. le freastal ar an gcoinne. Tabharfaidh mé ar ais ar scoil í tar éis na coinne.

Le gach dea-ghuí,

Tom Ó Briain

  1. Obair Bhaile / Home Work

A mhúinteoir Eibhlín,

Faraor, níl an obair bhaile déanta ag Antóin inniu. Bhí tráthnóna an-ghnóthach againn sa bhaile aréir agus níor éirigh linn díriú ar an obair bhaile. Chomh maith leis sin, rinne Antóin dearmad ar a leabhar léitheoireachta Béarla agus níl an léitheoireacht déanta aige ach an oiread.

Tá fíorbhrón orainn faoi seo. Cinnteoimid go ndéanfaidh sé an obair bhaile sin anocht.

Le mór-mheas,

Pádraig Mac Aoidh

  1. Nótaí Buíochais / Thank You Notes

Múinteoir Sorcha, a chara dhil,

Míle buíochas as ucht an obair iontach atá déanta agat lenár Máirín bheag i mbliana. Tá an-dul chun cinn déanta aici sa léitheoireacht agus sa mhatamaitic le roinnt míonna anuas. I dteannta sin, bhain sí an-sult as do chuid ranganna agus bhí sé sona sásta ag dul ar scoil gach uile lá. Tá brón uirthi go bhfuil uirthi do rang a fhágaint anois.

Gabhaim míle buíochas leat as ucht scoth na hoibre atá déanta agat léi le linn na bliana.

Le cionn agus le meas mór,

Muintir Uí Loingsigh

Gluais:

Ba mhian liom: I would like

Coinne: Appointment

r.n. : a.m.

i.n. : p.m.

Fíorbhuíoch: Very thankful

Arú inné: The day before yesterday

X-gha: X-ray

Scíth a ligint: To rest

Corpoideachas: Physical Education

Freastal: Attend

Bainis: Wedding

Dar gcionn: The following

Faraor: Unfortunately

I dteannta sin: Along with that/also

Teagasc: Teaching

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach /  Athrú )

Pictiúr Google+

Is le do chuntas Google+ atá tú ag freagairt. Logáil Amach /  Athrú )

Peictiúr Twitter

Is le do chuntas Twitter atá tú ag freagairt. Logáil Amach /  Athrú )

Pictiúr Facebook

Is le do chuntas Facebook atá tú ag freagairt. Logáil Amach /  Athrú )

w

Ceangal le %s